Mancomunidad de Malerreka

Euskara

Malerrekako Euskara Zerbitzua 1989an sortu zen gizartearen arlo guztietan euskararen normalizazioa lortzeko. Malerrekako Zerbitzu Orokorren Mankomunitatearen baitan dagoen zerbitzua da.

Zer da Euskara Zerbitzua?

Mankomunitatearen zerbitzu publikoa da eta eginkizun hauek ditu: euskararen erabilera indartzeko lanak planifikatzea, antolatzea, koordinatzea eta gauzatzea. Lan hau aitzina eramateko, beste hainbat erakunderekin elkarlanean aritzen da, bai Malerrekakoak, baita Malerrekatik kanpokoak ere.

Euskara Zerbitzuaren funtzionamendua:

Euskara Zerbitzua Malerrekako Mankomunitatearen baitan dagoen zerbitzu publikoa da. Horrela, Euskara Zerbitzuak Mankomunitateak erabakitzen duen hizkuntza politika gauzatzen du. Helburu hori erdiesteko Malerrekako Mankomunitateak euskara normalizatzeko plangintza onartzen du urtero, plangintza hau betetzea da Euskara Zerbitzuaren ardura nagusia.

Bertzeak bertze, Malerrekako Mankomunitateko Euskara Zerbitzuak aitzina eramaten dituen egitasmo nagusiak:

• Malerrekako egoera soziolinguistikoa aztertzea
• Euskara familia bitartez transmititzeko ekimenak
• ERA, belaunaldi berrien aukera
• Udal langileendako euskara ikastaroak
• Solaslaguna mintzapraktika egitasmoa
• ELAIDE.EUS
• Hizkuntza aholkularitza eta itzulpen zerbitzua
• Herrian erosi, euskaraz erosi ekimena
• Bai Euskarari Ziurtagiria
• Malerreka Kantuz
• Malerrekan bertsolaritza bultzatzea
• Euskarazko produktuen katalogoa
• Album ilustratuak sortzeko Etxepare Saria
• Diru-laguntzak eskaintzea: Eskualdeko euskarazko hedabideei eta euskaltegiari, euskaraz ikasten ari diren helduei eta Bai Euskarari Ziurtagiria duten saltoki edo erakundeei.